عدد الرسائل : 103 العمر : 35 العمل/الترفيه : الرياضه المزاج : off تاريخ التسجيل : 11/12/2007
موضوع: يا وليدي يا قطعتن مني ويا عمري الثلاثاء ديسمبر 25, 2007 10:55 am
مساء الورد
طبعا مره انا من المرات قلت با اجرب احساس الامومه فكتبت قصيده لولدي
عسى الرحمن يا وليدي يحقق امانيك
ويسقيك كاس السعاده في صبحك ومساك
وعساك ما تشوف الضيم ولا شيء يشقيك
وتذوق الهنا وترتسم الفرحه على محياك
يا وليدي ترى قلبي بين ايديك
عطيتك كل مافيه والروح تفداك
هاك حبي وحناني وعين تراعيك
تسهر الليل كله تطلب رضاك
ترى دمعتك تبكيني قبل ما تبكيك
ويتقطع فؤادي لاشفت الضيم يتعلاك
ترتمي في حضني وطول الليل اداريك
اشيل همك واحزانك وكل ما اشقاك
ولاتكدر خاطرك من غيري يراضيك
افقدك كل ماغبت عني وافرح للقياك
مكانك في قلبي لو تاهت خطاويك
خلك يمي ترى ما اقوى على فرقاك
ترى لو تطلب عيوني ما تغلى عليك
يا قطعه من روحي سبحان من سواك
لو تغيب عني دقيقه اجلس احاتيك
يوصلك صوتي وتسمع قلب ناداك
ناديتني وقلت لبيه بااحلى اساميك
ما ابي من دنيتي شيء ويكفيني لقاك
لك مكان بداخل قلبي دوم يناديك
بالحب يا نظر عيني عمره ما نساك
مرضت يا وليدي وكل مافيني يواسيك
اموت ولا اشوف بعينك دمعة هلاك
ما ظنتي تنسى من يظميه الدهر ويسقيك
وتهزه صدوف الليالي ولا في يوم خلاك
ادعي ربي بالليالي المظلمات يخليك
واشوف بعيوني يا نظر عيني ضناك
يا وليدي ترى روحي معك تخاويك
وين ما تروح توصل لآخر مداك
وطبعا انا مسميه روحي ام نواف فعشان كذا كتبت قصيده لي على لسان ولدي يعني دويتو بين ام وولدها
يا نبع الحب وبحر الطيبه والحنان
وقلب حشا ما في مثله بها الازمان
يا يمه افتخر بك لا اعتزوا بالاوطان
لانك موطني الاول وعزوتي في كل مكان
ما نسيت خوفي وضمتك لي بالاحضان
ولا عمري نسيت انك اجمل معنى للامان
شرحتي لي الدين وعلمتيني معاني القرآن
وعلمتيني ان الذنوب والخطايا وسواس شيطان
وان شاني يتعلى بالخيروالطاعات والايمان
وان المعاصي تلحقني يوم القيامه خسران
واهديتيني الحب يوم ضاقت بي الاركان
وخليتي الصبروقت الشده لي عنوان
يمينك سقتني عذب الما وانا ظميان
ما يهمك ظمآك وجوعك دامني شبعان
ارتمي في احضانك من همومي والاحزان
تبكين على حالي ودمعتك تكويني كانها نيران
طلبتك يا تاج راسي لاجلي ادفني الاحزان
موتي ولا اشوف دمعه تكدر خاطرك الولهان
يا يمه قلبك بالطيبه والخير مليان
افتخر لاقالو امك ام الجود والاحسان
تقابلين كل من اساء لك بالصفح والغفران
وفي قلبك مجموعة احاسيس ووجدان
يا يمه فجرت ما بداخلي من شعر وبركان
انا شاعر وانت شاعره كتبت الشعر بالاوزان
يايمه تراك اجمل قصيدي بكل ديوان
مستحيل اقابل احسانك علي بالنسيان
يا ام نواف من شال ضيم نواف يومه تعبان
ومن مسح دمعه يوم كان بالحزن غرقان
يا يمه لو اكتب حبك بدم قلبي والشريان
ما اوفيك حقك حتى لو افديك بالابدان
يا يمه ابي اقبل اقدامك وادعيلي بالجنان
سامحيني ان كنت في حقك غلطان
لاغاب طيفك وشلون ابوصف مرارة الفقدان
يا يمه ترى الحياه ما بها الاام وحده للانسان
اما انا بيعوضك ربي بدالي اخوان
وبيرزقك ذرية الصلاح العزيز المنان
وهذي قصيده حزينه كتبتها من 3 سنين
يا وليدي ياقطعتن مني ويا عمري
اللي بقى لي عقب مالاح شيبي
يا وليدي يا روحي ويا كلي
وشلون قلبك طاوعك تجفاني
انا امك اللي عطيتك احساسي
وهبتك الروح مع بلسم حناني
كنت بالظلام اعد الوقت واقلب ايامي
اشوف صفحات من عمري الفاني
تذكرت ولدي اللي صار انسان ثاني
ياما تمنيته يمسح دمعتي ويرعاني
ليه يا وليدي تنهيني وترميني
من حياتك وبكل خطوه تعاتبني
طعنتني بسكين الغدر وجرحتني
جروح بالحشا ماظنتي تفارقني
تذكر يوم اشيلك وانت حافي
ويوم كنت تلعب فوق اكتافي
ليه يا وليدي تخلي البرد ينهشني
وانا اللي كنت ادفيك بحناني
تذكر يوم رعيتك وضميتك بقلبي
ودمعتك يا ما مسحتها بكفوفي
امشي وابكي والناس تسالني
لكن مقدر اجاوب جواب يطعني
انا خوفي يا وليدي تشوف معاناتي
وتصرخ يا يمه واناس ترحم علي
انا على فراش الموت يا وليدي
تعال اشوفك لحظه بس تطمني
تعال اضمك واحطك بقلبي
واكحل ناظري بشوفة من نساني
مابي يا وليدي يوصلك خبر موتي
مع انسان حملني وللقبر خذاني
هل التراب على جسمي وعيني
وانا اللي تمنيت اشوفك قبل موتي
[/size]
Admin صاروخstop
عدد الرسائل : 1419 العمل/الترفيه : عضوة في منتداي المزاج : smily تاريخ التسجيل : 06/10/2007
موضوع: رد: يا وليدي يا قطعتن مني ويا عمري الثلاثاء ديسمبر 25, 2007 1:28 pm
,’
قصائد رآئعهـ .. وإختيار رائع للكلمات.. أبدعتِ في وصفك.. لمشاعر الأمومهـ .. ’, ما أقول اللا.. الله يخليكم لبعضكم هع هع ’, أدمون
اميرة الورد stop نشمي
عدد الرسائل : 103 العمر : 35 العمل/الترفيه : الرياضه المزاج : off تاريخ التسجيل : 11/12/2007
موضوع: رد: يا وليدي يا قطعتن مني ويا عمري الثلاثاء ديسمبر 25, 2007 8:21 pm
ههههههههههههههههههههههههههههههههههههههه اي والله الله يخلينا لبعض تسلمين يا ادمون والله يعطيتس العافيه...
WaterColor STOP مآشي200
عدد الرسائل : 236 تاريخ التسجيل : 11/10/2007
موضوع: رد: يا وليدي يا قطعتن مني ويا عمري الأربعاء ديسمبر 26, 2007 11:10 am
فعلا رائعه في تعبيرك اعتقد انك قد تكون برعتي في وصف الامومه قبل ان تحظي بها رزقك الله ما تتمنينه فعلا رائعه هذه الفكرة احييك على ابداعك يا ام المستقبل ههههههههههههههههههههههه
هولستن تفاح الـتــفــآحهـ
عدد الرسائل : 451 العمر : 33 الموقع : في عالم الصمـــت المتعب !! العمل/الترفيه : القراءه تاخذني الى عالم اعشقه .. المزاج : مزآآآآآج حليوووو !! تاريخ التسجيل : 26/12/2007
موضوع: رد: يا وليدي يا قطعتن مني ويا عمري الخميس ديسمبر 27, 2007 12:32 am
رووووووووووووووعه
تصلحين ام الله يخليكم لبعض مستقبلا << كخخخخ ..
chocolate الإشراف العام
عدد الرسائل : 1159 العمر : 35 تاريخ التسجيل : 13/10/2007
موضوع: رد: يا وليدي يا قطعتن مني ويا عمري الجمعة ديسمبر 28, 2007 1:43 am
الله يخليكم لبعض بس والله ضيقتي صدري مره مؤثر اشكرك ولاهنتي!!
زائر زائر
موضوع: رد: يا وليدي يا قطعتن مني ويا عمري الجمعة مايو 09, 2008 6:17 pm